Bosh miya xirurgiyasi ko‘plab muammolar bilan bog‘liq va katta mahorat, aniqlik va tajribani talab qiladi. Biroq, yosh bemorlar uchun hamma narsa ancha murakkab: operatsiyalar bolaning hayotining qadrini hisobga olgan holda yanada nozik tarzda amalga oshiriladi. Bundan tashqari, bolalar neyroxirurgiyasi – noyob mutaxassislik bo‘lib, butun dunyo bo‘ylab cheklangan miqdordagi neyroxirurglar faqat bolalarni davolash bilan shug‘ullanishadi. Acıbadem shifoxonasida professor Memet Ozek rahbarligida bolalar neyroxirurgiyasi jamoasi faqat yosh bemorlarni tashxislash va davolash bilan mashhul. Bu Acıbadem shifoxonasiga butun dunyo bo‘ylab bolalar neyroxirurgiyasi bo‘yicha ko‘plab so‘rovlarni qondirishga yordam beradi.
-KrWLOBKH.jpg)
Acıbadem bolalar neyroxirurgiyasi markazi
Acıbadem shifoxonalar tarmog‘ida dunyoga mashhur bolalar neyroxirurgiyasi bo‘limlaridan biri joylashgan. Xodimlar butun dunyo bo‘ylab bolalar va oilalarga umid beruvchi keng tajribaga, nozik ko‘nikmalarga va ilg‘or davolash usullariga ega. Acıbadem shifoxonalarida diagnostikadan davolashgacha bo‘lgan butun jarayon ko‘p tarmoqli jamoasi tomonidan diqqat bilan rejalashtiriladi, amalga oshiriladi va nazorat qilinadi. Bemorning kasalligiga qarab, tibbiyotning turli sohalari, jumladan, bolalar xirurgiyasi, ortopediya, nevrologiya, onkologiya, radiasion onkologiyasi, neyroradiologiya va fizioterapiya mutaxassislari bolalar neyroxirurgiyasi mutaxassisi nazorati ostida har bir bemor uchun eng maqbul davolash strategiyasini ishlab chiqish uchun birgalikda ishlaydi.
Acıbadem’ning bolalar neyroxirurgiyasi bo‘limi har yili dunyoning turli burchaklaridan 600 nafar yangi tug‘ilgan chaqaloqlar, emadigan go‘daklar va bolalarda muvaffaqiyatli operatsiyalarni amalga oshiradi.
Biz davolaydigan shart-sharoitlar
Acıbadem bolalar neyroxirurgiyasi bo‘yicha kompleks (keng qamrovli) xizmatlarni taqdim etadi, ular epilepsiyani davolash va serebral falajini osonlashishidan tortib, bosh miya o‘smalari va tug‘ma nuqsonlar rivojlanishigacha.
Bosh miya o‘smalari bolalarda eng ko‘p uchraydigan kattagina o‘smalar hisoblanadi. Xirurgik amaliyotlar ko‘pincha asosiy davolash usuli hisoblanadi va agar o‘smani bosh suyagidan butunlay olib tashlash mumkin bo‘lsa, davolanishning eng yaxshi imkoniyatini beradi. O‘smani rezeksiya qilishning muvaffaqiyati bolaning davolanishi va omon qolish ehtimoliga sezilarli ta'sir qiladi, shuningdek, keyingi davolash samaradorligini oshiradi. Bundan tashqari, ayrim hollarda davolash rejalari nur terapiyasi, radioxirurgiya va kimyoterapiyani o‘z ichiga olishi mumkin.
Serebral falaj – bu tana harakati va mushaklarni muvofiqlashtirishga ta'sir qiluvchi nevrologik buzilish. Selektiv dorsal rizotomiya (SDR) operatsiyasi spazmatik bilan qiynaladigan ko‘plab bolalarda harakatni yaxshilashga olib keladi. Ushbu operatsiya umurtqa pog‘onasiga yengillashtirish va yuqori mushak ohangini kamaytirish uchun orqa miya nervlarining dorsal ildizlarining bir qismini kesishni o‘z ichiga oladi. Acıbadem’ning pediatriya neyroxirurgiyasi jamoasi 30 yildan ortiq vaqt davomida SDR operatsiyalarini amalga oshirib keladi. Mutaxassislar 1100 dan ortiq bolaga yordam bera oldi.
Epilepsiya nojo‘ya harakatsiz tutilishlarni keltirib chiqaradi va bolalarning hayot sifatini sezilarli darajada pasaytiradi. Epilepsiya uchun dastlabki davolash odatda tutqanoqlar oldini olishga qaratilgan dori-darmonlarni qo‘llashni o‘z ichiga oladi. Biroq, taxminan har 4 boladan 1 nafarida dori-darmonlarga chidamli (rezistent) epilepsiya rivojlanadi, bu esa xirurgik amaliyotini samarali davolash variantini ko‘rib chiqishini talab qiladi.
Gidrosefaliya – bosh miya qorinchalarida ortiq miqdorda orqa miya suyuqligi to‘planib, ko‘pincha boshning kattalashishiga olib keladigan holat.
Acıbadem shifoxonasida ushbu nevrologik buzilishini endoskopik usuli yordamida davolanadi: qorinchalardan birining pastki qismida suyuqlikni to‘kish va bosimni pasaytirish uchun kichik teshik hosil qilinadi. Turkiyada Acıbademning pediatriya neyroxirurgiyasi jamoasi – ushbu texnikaning kashfiyotchilari hisoblanadi: professor Memet Ozek1992 yilda gidrosefaliya bo‘yicha birinchi endoskopik operatsiyasini amalga oshirgan. Bugungi kunga qadar ushbu yondashuv 920 dan ortiq gidrosefaliya bilan kasal bolalarni muvaffaqiyatli davolashdi.
Acıbadem shifoxonasining xizmatlari yuqoridagi ro‘yxat bilan cheklanmaydi va kengaytirilishi mumkin. Dunyo bo‘ylab kasallikning murakkab holatlari bilan og‘rigan bemorlar uchrashib turadi, lekin ular ham mutaxassislar maslahatini oladi va Acıbadem bolalar neyroxirurgiyasi bo‘limiga yuborilishi mumkin. Kamerunlik siam egizaklari son va umurtqa pog‘onasida birikishi – anna shunday holatlardan biridir. Egizaklarda tug‘ilishdan boshlab orqa miya, mielomeningosele, orqa miya sirtqilar va dumg‘aza va ko‘mik suyaklarga ega edi. Egizaklarning birlashgan tuzilmalari 27 soatlik muvaffaqiyatli amaliyoti natijasida bir-biridan ajratildi. Bugungi kunda bu shirin egizaklar hech qanday funksional muammosiz ikkita jismonan mustaqil chaqaloq kabi yashaydi.
Mavjud texnologiyalar
Tibbiyot texnologiyalarining keyingi ishlanmalari neyroxirurgiyada yangi davrni boshlab berdi. Nevrologik operatsiyalarida biz foydalanadigan ilg‘or texnologiyalarga quyidagilar kiradi:
- Intraoperasion MRT – bu operasion xonasida operatsiya jarayonida bosh miyaning real vaqtida tasvirini yaratadigan texnologiya. Bu xirurglarga miyaning chuqurligidagi muhim tuzilmalar yaqinida joylashgan ba'zi bosh miya o‘smalarini to‘liq olib tashlashga yaqinlashishga imkon beradi.
- Neyroendoskopiya operatsiyani kamroq kesmalar bilan amalga oshirish imkonini beradi, bu esa tezroq sog‘ayishga va chandiqlarni kamaytirishga yordam beradi.
- Neyronavigasiya xirurglarga operatsiya paytida juda aniq ko‘rsatmalar taklif qiladi, bu esa kasalliklarni atrofdagi bosh miya to‘qimalariga zarar bermasdan samarali davolash imkonini beradi.
- Neyromonitoring bemorlarning nervlarini shikastlanish xavfini oldini olish uchun operatsiyalar paytida ularni kuzatish uchun ishlatiladi.
Nevrologik buzilishlarga chalingan bolalar uchun fizioterapiyaning ahamiyati
Fizioterapiya va reabilitasiya – operatsiyadan keyin bolalar neyroxirurgiyaning qimmatli tarkibiy qismidir. Ular nevrologik buzilishlarga chalingan bolalarni davolash natijalarini optimallashtirish uchun ayniqsa muhimdir. Acıbadem shifoxonalar tarmog‘ida biz nevrologik kasalliklarga chalingan bolalarni davolash uchun maxsus fizioterapiya bo‘limini yaratdik. Agar bemorga yo‘naltirilgan yondashuv bo‘lsa, davolash natijalari ancha yaxshi bo‘ladi. Acıbademning bolalar neyroxirurgiyasi, jismoniy tibbiyot va reabilitasiya bo‘limi turli tashxisli bolalarning maksimal darajada tiklanishi uchun nevrologik kasalliklarni tashxislash va davolashga kompleks yondashuvni taklif etadi, jumladan:
- Bolalar serebral paralichi (DSP)
- Umurtqaning yorilishi
- Nerv-mushak buzilishlari
- Bosh va orqa miya o‘smalari
- Jarohatlar
- Harakatlanish (yurish) buzilishlari
- Tayanch-harakat apparatining boshqa muammolari
- Gidrosefaliya
Toshkentdagi vakolatxonamizning manzili: Toshkent shahri, Mirzo Ulug‘bek tumani, Buyuk ipak yo‘li mavzesi, 19-uy.
Telefon: +998 95 144 54 45
Samarqanddagi vakolatxonamizning manzili: Samarqand shahri, Mirzo Ulug‘bek 140.
Telefon: +998 66 234 41 71
Rasmiy sayt orqali barcha kerakli maʼlumotlarga ega bo‘lishingiz mumkin: www.acibadem.com.ru
Shuningdek, qo‘shimcha maʼlumotlarni olish uchun, hamda tajribali va yuqori malakali shifokorlarning qabuliga yozilish uchun Acıbadem rasmiy Facebook vа Instagram sahifalariga aʼzo bo‘lishingiz mumkin.
Reklama huquqi asosida.
Izoh (0)