Isroil mudofaa vaziri Yoav Galant Livanning “Hizbulloh” guruhini qayerda harakat qilsa, nishonga olishni buyurdi. Bu haqda Euronews xabar berdi.
Galantning so‘zlariga ko‘ra, Isroil Eron tomonidan qo‘llab-quvvatlanadigan Livan va Suriyadagi “Hizbulloh”dan “himoyalanish o‘rniga ta’qib qilishga” o‘tmoqda. Galantning bayonoti Isroil armiyasi havo hujumida “Hizbulloh”ning raketa bo‘linmasi qo’mondon o‘rinbosari Ali Abed Ahsan Naimning o‘ldirgani fonida e’lon qilindi.
Suriya 29-dekabr kuni Isroilni Halabdagi “Hizbulloh” obyektlariga havo hujumi uyushtirganlikda aybladi. Suriyadagi manbalarning aytishicha, hujumda 40 ga yaqin odam, jumladan tinch aholi ham halok bo‘lgan bo‘lishi mumkin. Bu so’nggi yillardagi eng qonli zarbalardan biriga aylandi.
Isroil va HAMAS o‘rtasida urush boshlanganidan beri deyarli har kuni G‘azo sektori, Isroil va Livan chegarasida to‘qnashuvlar sodir bo‘lmoqda. Bu vaqt ichida Livan janubida 270 ga yaqin “Hizbulloh” jangchisi va 50 nafar tinch aholi, jumladan shifokorlar va jurnalistlar halok bo‘ldi. Isroil tomonida 10 ga yaqin askar va bir necha tinch aholi havo va raketa zarbalari qurboni bo‘ldi.
Shu bilan birga, Isroil tinchlik muzokaralarida qatnashishda davom etmoqda. Oq uy Rafahda rejalashtirilgan operatsiya bo‘yicha qoldirilgan muzokaralar Vashingtonda o‘tkazilishi mumkinligini aytdi.
Isroil bosh vaziri Benyamin Netanyaxu HAMAS tomonidan garovga olinganlar va falastinlik mahbuslarni almashish bo‘yicha Mossad rahbari boshchiligidagi muzokaralar guruhiga Qatarga borishni buyurdi. Isroilning yana bir delegatsiyasi Qohiraga yo‘l olgan.
Izoh (0)