Sankt-Peterburgda 29 yoshli o‘zbekistonlik erkak ko‘chada pichoq bilan qurollangan holda yugurdi. Bu haqda “78.ru” xabar berdi.
27-mart kuni mahalliy aholidan biri politsiyaga qo‘ng‘iroq qilgan. U noadekvat erkak ko‘chada pichoq bilan yugurib, “terakt” haqida xabar berganini aytgan. Politsiya holat yuzasidan Marshal Tuxachevskiy prospektini ko‘zdan kechirgan va hech qanday portlovchi moslamani topmagan.
Shundan keyin migrant politsiya bo‘limiga olib ketilgan. U 2024-yil 25-martgacha migratsiya organlarida ro‘yxatga olingan. Ayni damda u qo‘lga olinganlar uchun maxsus xonaga joylashtirilgan. Hozirda jinoiy ish qo‘zg‘atish masalasi hal qilinmoqda. Hodisaning barcha holatlariga oydinlik kiritilmoqda.
Izoh (0)