Sirdaryo viloyati Oqoltin tumani hokimligi kuchli shamol oqibatida ko‘p qavatli uyning tom qismiga yetkazilgan zarar bo‘yicha ma’lumot berdi.
Qayd etilishicha, kuzatilgan kuchli shamol ta’sirida Oqoltin tumani “Yangi davr” mahallasi Yoshlar ko‘chasidagi 19-ko‘p qavatli uyning profnastil bilan qoplangan 10 kvadrat metr tom qismiga zarar yetgan.
Ushbu holat bo‘yicha voqea joyiga tuman hokimi, sektor rahbarlari va tuman favqulodda vaziyatlar bo‘limi xodimlari zudlik bilan voqea joyiga yetib borgan. Sodir bo‘lgan holat oqibatida insonlarning tan jarohati olishi yoki boshqa noxush holatlar kuzatilmagan.
“Ayni paytda talofat oqibatlarini bartaraf etish ishlari olib borilmoqda”, — deyiladi xabarda.
Avvalroq qattiq shamol natijasida Toshkent shahrida 110 kVli “L-K-D” elektr uzatish tarmog‘i 60 MVt quvvat bilan avariyaviy o‘chgani to‘g‘risida xabar berilgandi.
Izoh (0)