Xitoyda maktab o‘quvchilarining smartfonlari bolg‘a bilan sindirildi (video)

Xitoyning Loudi shahridagi xususiy maktablardan birida smartfonlardan foydalanishni qat’iy taqiqlash orqali maktab o‘quvchilarini tarbiyalashda noodatiy usullardan foydalandi. Bu haqda Bild xabar berdi.

Ushbu taʼlim muassasasida telefon qatʼiyan taqiqlangan va bu qoidani buzganlik uchun keskin choralar ko‘rishga qaror qilingan.

Mazkur maktab binosida barcha o‘quvchilar saf tortgan vaqtda, harbiy kiyimda bo‘lgan ta’lim muassasasi xodimi ularning ko‘z o‘ngida bolalarning smartfonlarini namoyishkorona sindirib tashlagan. Shundan so‘ng, u maktab qoidalarini buzganlik uchun qattiq jazo timsoliga aylangan gadjetlarni suvga uloqtirgan.

Maktab xodimining qilmishi Xitoy jamiyatida qizg‘in muhokamalarga sabab bo‘lgan. Intizomni saqlash va o‘quvchilarga to‘g‘ri xulq-atvorni o‘rgatish zarur deb hisoblagan harbiylar ushbu ta’lim usullarini qo‘llab-quvvatlagan.
Biroq, ko‘pchilik bunday xatti-harakatlarni qoralab, taʼlimga bunday yondashuvning qatʼiyligi va nodemokratikligidan xavotir bildirgan.

Nizolar natijasida bunday choralarning qonuniyligi masalasi ochiqligicha qolmoqda.