Britaniya parlamentining 130 dan ortiq a’zosi Buyuk Britaniya hukumatini xalqaro gumanitar huquq buzilishi ehtimoli tufayli Isroilga qurol sotishni taqiqlashga chaqirdi. Bu haqda The Guardian gazetasi xabar qildi.
Britaniya tashqi ishlar vaziri Devid Kemeronga yo‘llangan maktubda boshqa davlatlar, jumladan, Kanada ham Isroilga qurollar eksportini to‘xtatishini e’lon qilgani ma’lum etilgan.
Murojaat mualliflariga ko‘ra, Britaniya qurollarining Isroilga eksport qilinishiga “oddiy biznes” sifatida qarashni mutlaqo qabul qilib bo‘lmaydi. Avval ham G‘azodagi mojaro kuchaygan paytda London Tel-Avivga qurol sotishni to‘xtatgan edi, deb eslatadi deputatlar maktubda.
“Bugungi kunda Isroil harbiylari tomonidan sodir etilgan zo‘ravonlik darajasi ancha yuqori, ammo Buyuk Britaniya hukumati bunga e’tiborsizlik qilmoqda”, — deyiladi hujjatda.
Izoh (0)