Ukraina maxsus kuchlari Poltavada temiryo‘l liniyasini portlatmoqchi bo‘lgan diversantlarni qo‘lga oldi

Ukraina maxsus kuchlari 26-mart kuni Rossiya Federal xavfsizlik xizmatiga (FSB) aloqador bo‘lgan ikki diversantning Poltava temiryo‘l liniyasini portlatishining oldini oldi. Bu haqda Anadolu nashri xabar berdi.

Manbaga ko‘ra, ikki nafar fuqaro markaziy temiryo‘l liniyasini portlatishga uringanida, xavfsizlik kuchlari tomonidan hibsga olingan. Ularning shaxsi tekshirilganda, Rossiya Federal xavfsizlik xizmatiga aloqasi borligi maʼlum bo‘lgan.

“Sabotaj qilish uchun ular temiryo‘l va harakatlanuvchi tarkibning elektr taʼminoti tizimi yaqiniga qo‘lbola portlovchi moslamani o‘rnatganlar. Keyinchalik hujumchilar masofadan boshqarish pulti yordamida portlovchi moddalarni faollashtirishni rejalashtirgan”, — deyiladi xabarda.

Bayonotda aytilishicha, Ukraina rasmiylari hibsga olinganlarning mobil telefonlarini musodara qilib, tekshirganda ular FSB bilan bevosita aloqador ekanligi maʼlum bo‘lgan.

Diversantlarga nisbatan Ukraina sudi umrbod qamoq jazosi berishi kutilmoqda.