Baltimorda (Merilend, AQSH) yuk kemasi ko‘prik tayanchiga urilishi natijasida uzunligi 2,57 km bo‘lgan Frensis Skott Key avtomagistral ko‘prigi suvga qulab tushdi. Bu haqda tegishli manbalarga tayanib, Euronews xabar berdi.
Mahalliy OAV maʼlumotlariga ko‘ra, ko‘prik tayanchiga borib urilgan Singapur bayrog‘i ostidagi “Dali” kemasi yonib, cho‘kib ketgan. Inshootning qulashi natijasida bir necha avtomobil daryoga qulagan.
The Hill nashriga ko‘ra, kamida yetti kishi suvga tushib ketgan, biroq guvohlarning ta’kidlashicha, suvga qulagan mashinalar soni taxminan o‘ntani tashkil qiladi. Voqea joyida qutqaruvchilar ishlamoqda, favqulodda holat e’lon qilingan.
Ko‘prik 1977-yilda qurilgan va AQSH milliy madhiyasi The Star-Spangled Banner muallifi Frensis Skott Key sharafiga nomlangan edi.
Izoh (0)