Crocus’dagi terakt vaqtida Ozarbayjon fuqarosi Komil Nesibov 100 dan ortiq odamni qutqarib qoldi. Bu haqda Shot Telegram kanali xabar berdi.
Komil Nesibov jabrlanganlarni tez yordam mashinalariga sudrab borgan, 80 ga yaqin odamni chiqish joyiga olib borgan va tasodifan jabrlanuvchi qiz qo‘ng‘iroq qilgan telefonni topib olgan. Qiz alanga ichidan olib chiqilgan.
Komil Nesibovning Shot nashriga aytishicha, fojia yuz bergan kuni do‘sti bilan birga Crocus’da yarim kun ofitsiant bo‘lib ishlagan. Smena 19:55 atrofida tugagan. Tashqariga chiqishgan va qattiq portlash ovozini eshitishgan. Komil va uning do‘sti qo‘rqib, eng yaqin binoga yugurgan.
Ammo keyin qaytishga qaror qilishgan. Komil o‘qdan yaralangan bir necha kishini yo‘l chetiga sudrab chiqqan va konsertga kech qolganlarning hammasini tarqatib yuborgan. Binoda Komil eshiklarni buzib, odamlarga qayerga qochish kerakligini ko‘rsatgan.
Bino tutun ichida qolganida Ozarbayjon fuqarosi pastki qavatdagi koridorlardan birida bo‘lgan 80 ga yaqin odamni tashqariga chiqishiga yordamlashgan.
Odamlarni qidirib yugurib yurganimda, polda fonari yonib turgan smartfonga ko‘zim tushdi va yo‘lni yoritish uchun uni oldim. Telefon jiringladi — Kamilla ismi yozilgan edi, qiz trubkaga baland ovoz bilan qichqirdi va uni qutqarishni so‘radi. U qo‘rquvda edi, atrofdagi hamma narsa yonayotganini aytdi va o‘zi ikkinchi qavatdaligini ma’lum qildi, — deydi Komil Nesibov.
O‘sha paytda Favqulodda vaziyatlar vazirligi xodimlarining yonida bo‘lgan Komil ularga hammasini tushuntirib bergan, ular ozarbayjonlik erkakni tutundan bo‘g‘ilgan holatida binodan olib chiqqan.
Qiz qutqarilgan, Komil keyinroq qutqaruvchilar orqali Kamillaga telefonni bergan, — deyiladi xabarda.
Izoh (0)