Xitoy hukumati Tayvan maʼmuriyatiga Pekin taʼsir doirasidan uzoqlashishga aslo yo‘l qo‘ymaydi. Bu haqda Xitoy tashqi ishlar vazirligi matbuot kotibi Lin Jian maʼlum qildi. Ushbu bayonot haqida “TASS” nashri batafsil maʼlumot berdi.
Lin Jianga ko‘ra, Tayvan bo‘g‘ozida tinchlikni saqlash uchun “Yagona Xitoy” tamoyiliga so‘zsiz amal qilish va orolning mustaqillik daʼvo qilayotgan separatistik kayfiyatdagi kuchlarini qo‘llab-quvvatlamaslik zarur.
Bayonotda aytilishicha, Xitoy Tayvan orolining ajralib chiqishiga va mustaqil davlat bo‘lishiga hech qachon yo‘l qo‘ymaydi. AQSHning mintaqada Xitoy tahdidi borligi haqidagi bayonotlariga qatʼiy qarshi turadi.
“AQSHda baʼzilar “Xitoy tahdidi”i mavjudligi haqidagi asossiz xabarlarni yoyishga urinmoqda. Tayvanning mustaqillikka erishish nazariyasi Tayvan bo‘g‘ozidagi keskinlikni kuchaytiradi va qarama-qarshilikni qo‘zg‘atadi. Biz bunga qatʼiy qarshimiz. Bizning siyosatimiz aniq: biz tinch yo‘l bilan birlashishni maqsad qilganmiz. Ochiq aytamiz, Tayvanni o‘z vatanidan ajralishiga yo‘l qo‘ymaymiz”, — degan Xitoy rasmiysi.
Izoh (0)