“Xitoy BRIKS doirasida Rossiyani har tomonlama qo‘llab-quvvatlashga tayyor” — Moskvadagi Xitoy elchisi

Pekin Moskvaning BRIKS davlatlari guruhi doirasidagi faoliyatini har tomonlama qo‘llab-quvvatlaydi. Bu haqda Xitoyning Rossiyadagi elchisi Chjan Xanxuey “TASS” agentligiga maʼlum qildi.

“Biz Rossiyaning BRIKS rahbari sifatidagi harakatlarini har tomonlama qo‘llab-quvvatlaymiz va boshqa BRIKS davlatlari bilan birgalikda Global Janub loyihasini mustahkamlash va rivojlantirishda yangi sahifa ochish uchun barcha saʼy-harakatlarimizni yo‘naltirishga tayyormiz”, — degan Xitoy vakili.

Xitoy vakili bildirishicha, Xitoy va Rossiya o‘z yelkalariga katta masʼuliyatni olgan holda teng va strukturali ko‘p qutbli dunyo yaratish yo‘lidan boradilar. Ikki mamlakat rahbariyati barchaga foyda keltiradigan inklyuziv iqtisodiy globallashuvni rag‘batlantiradilar.