O‘zbekistonda McDonaldʼs tovar belgisi ro‘yxatdan o‘tkazilishi mumkin, deb xabar bermoqda Spot.
Maʼlum qilinishicha, Reach Impex Adliya vazirligiga McDonaldʼs tovar belgisini O‘zbekistonda ro‘yxatdan o‘tkazish uchun ariza bilan murojaat qildi. Tegishli yozuvlar Intellektual mulk elektron davlat xizmatlari portali bazasida 11-mart kuni 202401749 va 202401748 raqamlari ostida ro‘yxatdan o‘tkazgan.
Kompaniya bir vaqtning o‘zida barcha toifalar bo‘yicha arizalarni topshirgan. Korxona va tashkilotlarning yagona davlat reyestri maʼlumotlarida Reach Impex MCHJ Toshkent shahrida joylashgan. 2022-yilning 19-aprelida ro‘yxatdan o‘tgani keltirilgan. Ulgurji ixtisoslashtirilmagan savdo faoliyat turi sifatida ko‘rsatilgan.
Ustav kapitali 211,1 mln so‘m bo‘lgan kompaniyaning taʼsischilari Usmonov Bahodir Burxonovich (60 foiz) va Abdujabbarov Abror Axralovich (40 foiz) bo‘lib, u ham kompaniya rahbari lavozimini egallaydi.
Izoh (0)