O‘zbekiston tashqi ishlar vaziri Baxtiyor Saidov 14-mart kuni Avstriyaning O‘zbekistondagi elchisi etib tayinlangan Matias Radostichni qabul qildi. Bu haqda vazir o‘zining Telegram’dagi kanaliga yozib qoldirdi.
“Matias Radostich janoblaridan ishonch yorliqlarini qabul qilishdan mamnunmiz. Ikki va ko‘p tomonlama munosabatlarimiz, ayniqsa, iqtisodiy yo‘nalishdagi hamkorligimiz kun tartibi ko‘lami juda keng. Janob elchiga mamlakatimizdagi faoliyati davomida foydalanilmagan imkoniyatlarni kashf etishda muvaffaqiyatlar tilaymiz”, — deb yozadi Baxtiyor Saidov.
2023-yilning oktyabrida Baxtiyor Ibragimov O‘zbekistonning Avstriyadagi elchisi etib tayinlangandi. Noyabr oxirlarida esa u Avstriya prezidenti Aleksandr Van der Bellenga ishonch yorliqlarini topshirgan edi.
Izoh (0)