Joriy yilning 8-mart kunidan boshlab McDonald’s fastfud taomlari restoranining Yaponiyadagi filiallarida qovurilgan kartoshka hidli atirlar sotila boshlandi. Bu haqda ‘‘Korrespondent.net’’ xabar bermoqda.
Kafening X tarmog‘i (avvalgi Twitter)dagi rasmiy sahifasida
“Biz kartoshka fri hidli atirlar ishlab chiqardik. Bayram yoki uchrashuvga borish uchun mazkur atirni albatta sepib oling”, — deya post qoldirilgan.
Atirning uch xil ifori mavjud: klassik kartoshka fri, dengiz o‘tlari va tuzli kartoshka hamda qalampir va mayonezli kartoshka. Ularning narxi qancha ekani haqida ma’lumot berilmagan.
Atirning har bir idishi o‘ziga xos dizayn va shaklga ega bo‘lib, haqiqiy kartoshka fri qadog‘iga o‘xshash qizil va sariq rangli dizaynda tuzilgan.
Izoh (0)