Yaponiyada ishlayotgan o‘zbekistonlik yigit yapon tili bo‘yicha notiqlik tanlovida g‘olib bo‘ldi, bu haqda Tashqi mehnat migratsiyasi agentligi axborot xizmati xabar berdi.
Ma’lum qilinishicha, Yaponiya poytaxti Tokio shahrida chet elliklar o‘rtasida an’anaviy yapon tili bo‘yicha notiqlik tanlovi o‘tkazildi. Janubiy Koreya, Tailand, Amerika Qo‘shma Shtatlari, Xitoy, Ukraina va boshqa davlatlar vakillari ishtirok etgan mazkur tanlovda 26 yoshli o‘zbekistonlik Samandar Rabbimov O‘zbekiston nomidan qatnashib, maxsus sovrinni qo‘lga kiritdi.
Samandar Rabbimov Tashqi mehnat migratsiyasi agentligi orqali 2023-yilning iyun oyida Yaponiyaga qurilish sohasida ishga jo‘natilgan edi.
Izoh (0)