Kollektiv Xavfsizlik Shartnomasi Tashkiloti (KXSHT) 12—13-mart kunlari strategik qo‘mondonlik-shtab o‘quv mashg‘ulotlarini o‘tkazadi. Unda inqiroz xavfi ortib borayotgan bir sharoitda Markaziy Osiyo mintaqasida vaziyatni barqarorlashtirish masalalari ishlab chiqiladi. Bu haqda “TASS” xabar berdi.
Mashg‘ulotlar Birlashgan shtab boshlig‘i, general-polkovnik Andrey Serdyukov boshchiligida o‘tkazilmoqda. Bu kuzda Qozog‘istonda bo‘lib o‘tadigan “Buzilmas birodarlik—2024” qo‘mondonlik-shtab o‘quv mashg‘ulotlariga tayyorgarlik ko‘rish uchun muhim voqeadir.
O‘quv mashg‘ulotlarini o‘tkazish uchun harbiy-siyosiy va strategik tayyorgarlik muhiti yaratilgan bo‘lib, uning doirasida bir qator konvensiyalar qabul qilingan, davlatlar va xalqaro tashkilotlarning nomlari o‘zgartirilgan. Vaziyatga ko‘ra, KXSHT mas’ul bo‘lgan zonada potensial tahdidlarni kuchaytiruvchi variantlardan biri modellashtirilgan va Markaziy Osiyoda shartli holatda inqirozli vaziyatning paydo bo‘lishi ko‘zda tutilgan, — deydi u.
Tadbirda KXSHT bosh kotibi Imangali Tasmagambetov mashg‘ulotlar “og‘ir xalqaro vaziyatda o‘tkazilayotgani”ni aytdi.
Dunyoning turli mintaqalarida eski konfliktlar kuchaymoqda va yangi keskinlik o‘choqlari, jumladan KXSHT mas’ul bo‘lgan hududda ham qo‘zg‘atilmoqda. Zamonaviy inqirozlar tobora gibrid xususiyat kasb etmoqda va ularni hal qilish kompleks yondashuvlarni talab qiladi, — deydi u.
Izoh (0)