Sibirning qahraton qishida ishchilar kemalarga xizmat ko‘rsatish uchun noldan past haroratda mehnat qiladi. Rossiyaning quruqlik bo‘yicha eng katta hududi bo‘lgan Yakutsk mahalliy aholisi “muzlatish”ni dunyodagi eng og‘ir ishlardan biri deb ataydi. Bu haqda Reuters xabar berdi.
Mahalliy aholi tilida “Vimorozka” deb ataluvchi muzlatish jarayoni og‘ir sharoitlarda, -50 darajagacha sovuq haroratda bir necha hafta davom etadigan mashaqqatli va zerikarli ishdir. Ishchilar kemalarni qoplagan muzni sindirib, kemaning ta’mirga muhtoj bo‘lgan joylarini qidirishadi. Qish oylarida kemalar Lena daryosi bo‘yidagi Yakutsk bandargohiga to‘xtaydi.
Rossiyaning quruqlik bo‘yicha eng katta hududi bo‘lgan Yakutsk mahalliy aholisi “muzlatish”ni dunyodagi eng og‘ir ishlardan biri deb ataydi.
To‘g‘ri kiyinishingiz kerak xolos. Siz (issiq binoga) borib, kiyimlaringizni yechsangiz, saunadagi kabi ustingizdan bug‘ ko‘tariladi. Menimcha, bu eng qiyin ish emas, bundan ham qiyinroq ishlar bor, lekin bu eng qiyin ishlardan biri bo‘lsa kerak... Sovuqni hamda sovuqda ishlashni sevish kerak, — deydi 48 yoshli ishchi Mixail Klus Reuters agentligiga.
Ish nafaqat chidamlilik va kuchni, balki o‘ta aniqlikni ham talab qiladi.
Garchi ayrim ishchilar sovuq haroratga chiday olmasa-da, ob-havo qanchalik sovuq bo‘lsa, muz shunchalik yaxshi yaxlaydi va ish shunchalik osonlashadi.
Ba’zida muzlab qolganingizda, salbiy his-tuyg‘ularni boshdan kechirishingiz mumkin. Ishlash uchun juda sovuq ekanini his qilasiz, uyga borishni, ovqatlanishni va dam olishni xohlaysiz, shu sababli siz o‘zingizni ushlab turishingiz kerak, — deydi qalin palto kiygan 22 yoshli Artyom Kovalets.
Izoh (0)