O‘xshamagan harakatning o‘xshagan “piar”i. Ismonaliyevning harakati Superligani mashhur qildi

Superliga 2-turi doirasida bo‘lib o‘tgan “Andijon” — “Bunyodkor” uchrashuvining 32-daqiqasida mehmonlar futbolchisi Usmonali Ismonaliyev beo‘xshov hazili uchun haqli ravishda maydondan chetlatildi.

O‘sha daqiqada mezbonlar futbolchisi Farhod Bekmurodov Ismonaliyevdan zarba qabul qilib olgan Muhammadkarim Toirovni ayyorlik ishlatmaganlikda koyib, uni yerga yotishga majbur qildi, kamiga ortidan tepib ham qo‘ydi.

Ushbu holat “virus” bo‘lib tarqaldi. Masalan, Twitter (hozirgi “X”) dagi TrollFootball akkauntida bu video 9 milliondan ortiq marta, boshqa bir ommabop “Out Of Context Football” sahifasida 1 milliondan ortiq marta ko‘rildi.

Ushbu holat futbol jamoatchiligi e’tiboridan chetda qolmadi.

Masalan, futbol sharhlovchisi Orif Tolipov quyidagicha izoh qoldirgan:
“Ikkalasi bir jamoada (Andijon) o‘ynagan, ko‘p ehtimol do‘st. Lekin do‘stlikning bunday hazillari maydonda bo‘lmagani ma'qul”.

Jurnalist Davron Fayziyev ham bu videoga o‘z qarashlarini bildirdi:

35-daqiqada hisob 1:1 bo‘lib turganda “Bunyodkor” vakili Ismonaliyev hakamning yonginasida negadir Toirovga xaykik zarba berdi. Zarbaku kuchli emas, bu yerda ko‘proq hurmatsizlik bilan munosabatga o‘xshadi. Asimov qizil ko‘rsatdi va qaysidir ma'noda haqli ravishda qattiqqo‘llik qildi. Hammasidan 8-raqamli Bekmurodovning harakati kulgili chiqdi. Dastlab u Toirovni “yotib ol” deb turtib yiqitdi. Yana yetmagandek tepib ham qo‘ydi. Bu juda shart ham emasdi, referi allaqachon vaziyatga reaksiya qilib bo‘lgandi”.

Tajribali sharhlovchi Xayrulla Hamidov bu o‘yinni sharhlamaganidan xursand:

“Yaxshiyam Andijondagi o‘yinni Namangandagi bahsga alishganim, aks holda rosa gap so‘zlarga qolib ketardim”.

Mustaqil jurnalist Fahriddin Ro‘ziyev ularning do‘stligiga e’tibor qaratgan:

“Usmonali Ismonaliyev o‘rtog‘i (va bugungi o‘yinda raqibi) Muhammadkarim Toirov bilan hazillashmoqchi bo‘lgandi, menimcha. Ular 2021 yil “Andijon” tarkibida birga to‘p tepishgan. Shunchaki, “Bunyodkor” futbolchisi bu ishni noto‘g‘ri joyda amalga oshirdi va haqli ravishda chetlatildi”.

Bloger  Nurbek Alimov vaziyatga kulgili izoh qoldirdi:

“Fayzbog” kanali qisqagina izoh qoldirdi:

Sharhlovchi Hasan Turdialiyev ham o‘z Telegram sahifasida holatga o‘z fikrini bildirdi.

Futbol eksperti Alisher Nikimbayev ushbu holatda “Andijon” futbolchisi ham jazolanishi kerakligi haqida aytib o‘tgan.

Ijtimoiy tarmoqdagi videolar izohida foydalanuvchilar turli fikrlarni bildirishgan. Masalan, X-Aslan nomli profil egasi ham 8-raqamli futbolchi jazolanishi kerakligi haqida aytib o‘tgan.

Engr_Horlla ismli foydalanuvchi futbol turli yolg‘onlar bilan to‘lib toshganini e’tirof etib, 8-raqamli “Andijon” futbolchisi nega jamoadoshini tepganiga tushunmagan.

Izohlarda ba‘zi foydalanuvchilar O‘zbekistonning tarixiy va chiroyli davlat ekanligini eslab o‘tishgan.

PFL matbuot xizmati bo‘lgan voqeaga o‘z munosabatini bildirib, futbolga yarashmagan qiliq qilgani uchun 8-raqamli Bekmurodovni jazolash masalasini Tartib-intizom qo‘mitasiga kiritilishini aytib o‘tgan.