9-mart kuni Ukraina qurolli kuchlari Rossiya tomonidan uchirilgan 15 ta Shahed dronlaridan 12 tasini urib tushirgan. Bu haqda The Kyiv Independent nashri maʼlum qildi.
Xabarda aytilishicha, Ukraina havo hujumidan mudofaa vositalari Dnepropetrovsk, Donetsk va Poltava viloyatlari osmonida Rossiya harbiy dronlarini urib tushirgan. Qattiq qarshilikka qaramay, rus dronlari Dnepropetrovsk viloyatining Krivoy Rog shahri yaqinida qator obyektlarga hujum qilib, portlashlar tashkil etishga erishgan.
Harbiy maʼmuriyat fuqarolar orasida hujumdan shikastlanish holatlari ro‘y bergani haqida maʼlum qilgan. Jumladan, Donetsk viloyati hududida 4 nafar fuqaro jiddiy jarohat bilan kasalxonalarga yotqizilgan. Rus qo‘shinlari Pivdenne qishlog‘ini o‘qqa tutishi natijasida 23 yoshli yigit og‘ir jarohat bilan tez yordam bo‘limiga olib ketilgan. Siversk shahrida harbiy dron fuqarolik avtomobiliga kelib urilishi oqibatida ikki fuqaro og‘ir tan jarohati olgan.
Rossiya harbiy idoralari 9-mart kuni Rossiyaning Kursk va Rostov viloyatlariga hujum qilinganini tasdiqlagan. Shuningdek, Rossiya nashrlari 40 dan ziyod Ukraina dronlari rus uchoqlari tomonidan tutib olinganini xabar bergan. Ammo ushbu xabarlar hali rasman tasdiqlanmagan.
Manbaga ko‘ra, hozirda Rossiya dron hujumlarining asosiy nishonlari Belgorod, Bryansk, Orel va Leningrad viloyatlaridagi nuqtalar bilan cheklanmoqda.
Izoh (0)