Xalqaro xotin-qizlar kunida Birlashgan Millatlar Tashkiloti bosh kotibining maxsus vakili va Afg‘onistondagi UNAMA missiyasi rahbari Roza O‘tunbayeva “Tolibon”dan ayollar va qizlarga nisbatan cheklovlarni to‘xtatishni so‘rab, aks holda mamlakatni qashshoqlik va yakkalanish tomon olib borish xavfi paydo bo‘lishini aytdi.
UNAMA tomonidan shu munosabat bilan e‘lon qilingan bayonotda O‘tunbayeva Afg‘onistonda ayollarga sarmoya kiritish o‘rniga ayollar va qizlarga jiddiy zarar yetkazuvchi halokatli salbiy holatlarni ko‘rish qayg‘uli ekanini aytdi.
Unga ko’ra bu faqat tinchlik va farovonlik uchun to‘siqlar yaratadi. 2021-yil avgust oyidan beri “Tolibon” ko‘pchilik ayollar va qizlarning asosiy huquq va erkinliklariga qator cheklovlar qo‘ygan.
Afg‘on ayollari va qizlari o‘rta va oliy o‘quv yurtlarida ta’lim olishdan, davlat va nodavlat muassasalarida ishlashdan, shuningdek, sayohat qilishdan mahrum.
Roza O‘tunbayevaning aytishicha, UNAMA, shuningdek, “Tolibon”ning so‘nggi paytlarda islomiy kiyinish qoidalariga rioya qilmagani uchun ayollarga nisbatan tazyiqlari ayollarni o‘zboshimchalik bilan hibsga olishdan qo‘rqib, yanada yakkalab qo‘yishidan xavotirda. Uning so‘zlariga ko‘ra, afg‘on ayollari bilan suhbatlarda shaxsiy xavfsizlikga umid va qo‘rquvning pasayish jarayoni yaqqol namoyon bo‘lgan.
Birlashgan Millatlar Tashkilotining Afg‘onistondagi Ayollar bo‘yicha maxsus vakili Alison Davidianning aytishicha, afg‘on ayollari va qizlari uchun makon qo‘rqinchli darajada qisqarmoqda.
Uning ta’kidlashicha, afg‘on ayollari va qizlari ahvoli xalqaro tashvishlar va harakatlar markazida bo‘lishi kerak.
UNAMA bayonotida aytilishicha, afg‘on ayollari o‘zgarishlarni amalga oshirish uchun xalqaro yordamga muhtoj ekanliklarini aytilgan. Shuningdek, bu yordam Afg‘oniston kelajagi haqidagi barcha muhokamalarda ayollar vakillarining faol ishtirokini ta‘minlash, ayollarni bevosita qo‘llab-quvvatlovchi xalqaro yordamni saqlab qolish uchun targ‘ibotni o‘z ichiga oladi.
Izoh (0)