O‘zbekiston Vazirlar Mahkamasining 2024-yil 4-martdagi 110-sonli “O‘zbekiston Respublikasi hukumatining ayrim qarorlariga ba’zi ijtimoiy nafaqalarni to‘lash tartibini takomillashtirishga qaratilgan o‘zgartirish va qo‘shimchalar kiritish to‘g‘risida”gi qarori qabul qilindi. Bu haqda Norma.uz xabar qildi.
Unga ko‘ra, 2024-yil 1-apreldan boshlab farzand tug‘ilganda beriladigan bir martalik nafaqa puli:
- birinchi farzandi uchun – barcha ayollarga;
- ikkinchi farzandi uchun – farzand tug‘ilgan paytda “Ijtimoiy himoya yagona reyestri” aхborot tizimiga kiritilgan oilaning a’zosi bo‘lgan ayollarga rasmiylashtiriladi. Qolgan barcha holatlarda nafaqa to‘lanmaydi.
Nafaqa olish uchun arizani davlat хizmatlari markazi yoki YIDXP orqali berish mumkin.
O‘zgartirish Vazirlar Mahkamasining 2023-yil 20-oktyabrdagi 550-son qaroriga 4-ilova – “Tug‘ilganlikni qayd etish bilan bog‘liq kompleks davlat хizmatlarini ko‘rsatishning Ma’muriy reglamenti”ga kiritilmoqda.
Izoh (0)