Samarqand viloyatida 10 yil farzand kutgan er-xotin to‘rt nafar egizakli bo‘ldi. Bu haqda “Zo‘r TV” telekanlining “Bu kun” dasturida xabar qilindi.
Shifokorning aytishicha chaqaloqlar to‘liq to‘qqiz oy bo‘lganda operatsiya yo‘li bilan dunyoga keltirilgan. Ularning birinchisi qiz, qolgan 3 nafari o‘g‘il bola. Qizaloq 1 kilo 700, ikkinchi o‘g‘il 1 kilo 500, uchinchi o‘g‘il 2 kilo 200 va to‘rtinchi o‘g‘il 2 kilo 300 gramm og‘irlikda dunyoga keldi.
Egizaklarni dunyoga keltirgan ayol 29 yoshda bo‘lib, uning umumiy ahvoli o‘rtacha.
“Yaxshi niyat qilsa, sabr qilsa, albatta, hammasiga erishsa bo‘ladi”, — deydi egizaklarning onasi. “Juda ham xursandmiz, 10 yildan beri farzandsiz yurgan edik, mana 4 nafar farzandli bo‘ldik”, — deydi chaqaloqlarning otasi.
Ayni paytda chaqaloqlarning ahvoli qoniqarli va ularga kerakli muolajalar qilinmoqda, tibbiy yordam ko‘rsatilmoqda.
Izoh (0)