7-mart kuni Rossiya Mudofaa vazirligi Donetsk yaqinidagi Avdeyevka hududida Ukraina qo‘shinlarining to‘rt yo‘nalishdagi hujumi va yetti yo‘nalishdagi qarshi hujumi qaytarilganini maʼlum qilgan. Bu haqda TASS nashri xabar berdi.
Xabarda aytilishicha, o‘tgan bir sutka davomida Ukrainaning 390 nafar askari yo‘q qilingan. Qarshi tomonning harbiy texnikasiga jiddiy shikast yetkazilgan.
“Avdeyevka yo‘nalishida jangovar guruhlar hududda qulay o‘rnashib oldilar va Donetsk Xalq Respublikasining Mayorsk, Novgorodskoye va Orlovka aholi punktlari yaqinida Ukraina armiyasining 24, 78 va 110-mexanizatsiyalashgan brigadalari shaxsiy tarkibi va texnikasiga jiddiy zarar yetkazdilar. Leninskoye, Novgorodskoye va Rozovka aholi punktlari yaqinida ukrainalik hujumchi guruhlarning to‘rtta hujumini, shuningdek, Donetsk Xalq Respublikasining Petrovskoye, Berdichi, Orlovka, Tonenkoye va Pervomayskoye mahallalari yaqinidagi yettita qarshi hujumlarini harakatlari bartaraf etilgan”, — deyiladi vazirlik bayonotida.
Manbada aytilishicha, Ukraina hujumlarini qaytarish paytida Rossiya kuchlari dushman tomonning o‘q-dorilar omborini ham yo‘q qilgan. Mazkur ombor sharqiy yo‘nalishdagi harbiy harakatlar uchun asosiy o‘q-dori zaxirasi bo‘lgani aytilgan.
Izoh (0)