Toshkent shahridan qatnovchi shaharlararo elektropoyezdlar uchun yagona tarif belgilandi, deb xabar bermoqda “O‘ztemiryo‘lyo‘lovchi” AJ matbuot xizmati.
Tushuntirilishicha, 2024-yilning 20-mart sanasidan shaharlararo yo‘lovchi poyezdlar yo‘nalishlari yagona tarif (faqat bir zona)ga o‘tkaziladi. Bunda yo‘lovchilar avvalgidek har bir zona uchun alohida narxda emas, balki yo‘nalishga qarab, zonalarga bo‘linmagan holatda to‘lovni amalga oshiradi.
Masalan, endilikda Toshkent—Bekobod—Toshkent yo‘nalishi yagona tarif narxi 12 000 so‘m, Toshkent—Hojikent—Toshkent yo‘nalishi 10 000 so‘m. Quyidagi jadvalda tariflar keltirilgan.
Shuningdek, elektron tarzda (ATTO) to‘lov qilmoqchi bo‘lgan yo‘lovchilar naqd pulda amalga oshiriladigan to‘lovdan farqli ravishda 500 so‘mga kam to‘lashi mumkinligi aytildi.
Izoh (0)