Noodatiy aksessuarlari va liboslari bilan tanilgan mashhur fransuz brendi Coperni Parij shahridagi moda haftaligida yana bir bor tomoshabinlarni lol qoldirdi. Bu haqda “Korrespondent” nashri xabar bermoqda.
2024-yilning kuz-qish kolleksiyasini namoyish etish marosimida dizaynerlar yangi Air Swipe sumkasini taqdim etdi. U 99% havo va 1% shishadan iborat.
Coperni brendi ijodiy jamoasi ta’kidlashicha, sumkaning shisha qismi aslida kremnezema aerogel nanomaterialidan iborat bo‘lib, ko‘rinishi nozik shishadek, lekin mustahkam va sinmaydi. Ushbu modda NASA tomonidan yulduz changini to‘plash uchun foydalanilgan. Chunki mazkur material o‘z og‘irligidan 4000 baravar katta bosim va o‘ta yuqori haroratga bardoshlidir.
Sumkaning vazni o‘rtacha 30 gramm. Unga kichik predmetlar, masalan kalit yoki telefon solib yurish mumkin. Coperni aksessuarining narxi 3900 dollar bo‘lib, uni ishlab chiqarishga 8-10 hafta kerak bo‘ladi. Sumkaning o‘ziga xosligini inobatga olgan holda uni qaytarib berish yoki almashtirish mumkin emas.
Izoh (0)