FVV Seysmoprognostik monitoring Respublika markazi Toshkent viloyatida 3,6 magnitudali zilzila sodir bo‘lganini ma’lum qildi.
Qayd etilishicha, O‘zbekiston hududida mahalliy vaqt bilan soat 11:52 da zilzila sodir bo‘lgan. Episentr: Toshkent viloyati, Bo‘stonliq tumani. Zilzila koordinatalari: 41,73 gradus shimoliy kenglik; 70,19 gradus sharqiy uzunlik. Magnituda М=3,6. Chuqurlik 15 kilometr. Zilzila episentri Toshkentdan 96 kilometr shimoliy-sharqda.
Yer osti silkinishining Bo‘stonliq tumanida sezilish kuchi 2 ballni tashkil etdi.
1-mart kuni Farg‘ona va Andijon viloyatlarida 3,5 magnitudali zilzila kuzatilgandi. Undan oldin esa Xitoy—Qirg‘iziston chegarasida 22-yanvar va 30-yanvar kunlari sodir bo‘lgan zilzila kuchi ham O‘zbekistonda sezilgandi.
Izoh (0)