AQSH Milliy havo gvardiyasi xodimi Jek Teysheyra Amerika harbiy idorasining maxfiy hujjatlarini oshkor qilganlik aybini tan oldi. Bu haqda Amerika OAVga tayanib, Deutsche Welle xabar berdi.
22 yoshli Teysheyra 4-mart kuni josuslik to‘g‘risidagi qonunga binoan milliy mudofaa maʼlumotlarini qasddan egallash va uzatishda aybdorligini tan olgan. Bu Milliy gvardiya aʼzosi so‘nggi yillarda Pentagonga oid maxfiy maʼlumotlarning tarqalishini uyushtirganlikda gumonlanib hibsga olinganidan deyarli bir yil o‘tib sodir bo‘lgan. Aybni tan olish evaziga prokurorlar Teysheyrani boshqa Josuslik qonunini buzganlikda yoki boshqa jinoyatlarda ayblamaslikka kelishib olgan.
Massachusets okrugi sudyasi Indira Talavani Boston federal sudida sentyabrda hukm chiqarilishini belgilagan. Teysheyra 11 yildan qariyb 17 yilgacha qamoq jazosiga hukm qilinishi mumkin.
Jek Teysheyra 2023-yil 13-aprelda geymerlar orasida mashhur bo‘lgan Discord ijtimoiy media platformasidagi Thug Shaker Central chat guruhida paydo bo‘lgan maxfiy hujjatlarni oshkor qilganlikda ayblanib qo‘lga olingan. AQSH rasmiylariga ko‘ra, Teysheyra birinchi marta 2022-yil oktyabr oyida u yerga maxfiy ma’lumotlarni joylashtirgan.
Izoh (0)