AKFA va IMZO innovatsion mahsulotlari UzBuild 2024 ko‘rgazmasi tashkiliy qo‘mitasi va tashrif buyuruvchilar tomonidan yuqori baholandi.
Avval xabar qilinganidek, 27 fevral – 1 mart kunlari “O‘zekspomarkaz”da “Qurilish – UzBuild 2024” 25-yubiley Xalqaro ko‘rgazmasi bo‘lib o‘tdi.
UzBuild – ko‘p yillik tarixiga ega xalqaro miqyosdagi flagman ixtisoslashtirilgan ko‘rgazma hisoblanadi. UzBuild Markaziy Osiyodagi eng mashhur qurilish ko‘rgazmalaridan biri hisoblanadi. Ko‘rgazma ishtirokchilari tomonidan eng ilg‘or mahsulotlari namoyish etilmoqda.
Yubiley ko‘rgazmasida rekord darajadagi ishtirokchilar ro‘yxatga olindi – 19 mamlakatdan 450 ta kompaniya va brendlar. 4 kun davomida ko‘rgazmaga 17 mingdan ortiq kishi tashrif buyurdi.
AKFA Group UzBuild ko‘rgazmasining doimiy ishtirokchisi va uzoq muddatli hamkori hisoblanadi. 2024-yilda O‘zbekistonning eng yirik sanoat xoldinglaridan biri bo‘lmish AKFA Group BENKAM, IMZO, AKFA Comfort, AKFA Accessories yo‘nalishlari bo‘yicha mahsulotlarni taqdim etdi.
BENKAM tomonidan ishlab chiqarilayotgan ekstruzion alyumin profillar va boshqa turdagi mahsulotlar
IMZO fabrikasining mahsulotlari
AKFA Aksessuarlar ishlab chiqarish majmuasida ishlab chiqarilgan deraza armaturalarining aksessuarlari va elementlari.
AKFA Comfort mahsulotlari
BENKAM avtomobilsozlik, qurilish sohasi va quyosh energetikasi sanoati uchun alyuminiy mahsulotlarini namoyish etdi.
IMZO rom fabrikasi O‘zbekiston bozori uchun yangi bo‘lgan quyidagi mahsulotlarni taqdim etdi:
• IMZO fabrikasida Germaniyaning Rehau brendi bilan hamkorlikda ishlab chiqarilayotgan Artevo 80 rom tizimi
• Xususiy uylarda yozgi terrasalar uchun gilyotina tizimi va bioklimatik pergola
• BKH 65 surilma tizimi
• Thermo 105 seriyali alyuminiy profillardan yasalgan rom va eshik konstruksiyalari
• BKF seriyadagi fasad tizimlari
AKFA va IMZO stendi mehmonlari yangi AKFA 6500 profil modelidan ishlab chiqarilayotgan romlar, shuningdek, AKFA Comfort’ning isitish qozonlari, sektsiyali va panelli radiatorlar bilan ham tanishish imkoniga ega bo‘lishdi.
AKFA Accessories furnitura, EPDM qistirmalari va boshqa turdagi aksessuarlarni taqdim etdi. Bugungi kunda AKFA yirik sanoat majmuasiga ega bo‘lib, bu yerda ichki bozor va eksport uchun 250 dan ortiq furnitura turlari ishlab chiqariladi.
Ko‘rgazma yakunida AKFA va IMZO “Eng yaxshi korporativ stendi dizayni” nominatsiyasi bo‘yicha tashkilotchilarning maxsus mukofotiga sazovor bo‘ldi. Tashkiliy qo‘mita va UzBuild tashrif buyuruvchilarning bunday munosib eʼtirofi AKFA Group xoldingining O‘zbekiston qurilish industriyasi va sanoatini rivojlantirish sohasidagi yutuqlari va innovatsion yondashuvini aks ettirdi.
Reklama huquqi asosida.
Izoh (0)