O‘zbekistonda hafta davomida harorat ko‘tarilib boradi

O‘zbekistonda kunduz kunlari haroratning jadal ko‘tarilishi boshlanadi va ish haftasining oxirigacha davom etadi, deb xabar bermoqda “O‘zgidromet”.

4—7-mart kunlari O‘zbekistonning barcha hududlari bo‘yicha yog‘ingarchiliksiz ob-havo bo‘lishi kutilmoqda. 8-martda respublika bo‘yicha baʼzi joylarda yomg‘ir yog‘adi.

4-mart kuni kunduzi havo harorati 4-9 daraja iliq bo‘ladi, so‘ng hafta oxirigacha harorat 13-18 daraja iliqqacha asta-sekin ko‘tariladi. Harorat kechasi 2-5 daraja sovuqdan 2-5 daraja iliqqacha ko‘tariladi.

Shamol asosan sharqiy yo‘nalishda birozdan o‘rtachagacha bo‘lgan tezlikda esadi, 8-martda baʼzi joylarda 15-18 metr/sekundgacha kuchayadi.

5—6-mart kunlari respublikaning ayrim joylariga tuman tushishi mumkin.

6—7-mart kunlari ayrim tog‘li hududlarda, 8-martda tog‘li hududlarning katta qismida yomg‘ir va qor ko‘rinishidagi yog‘ingarchilik bo‘ladi. Qor ko‘chish xavfi bor.

Toshkentda 4—7-mart kunlari yog‘ingarchilik kutilmaydi, 8-martda biroz yomg‘ir yog‘ishi mumkin. Harorat kechalari 0-2 daraja sovuqdan 3-5 daraja iliqqacha, kunduz kunlari 5-7 daraja iliqdan 15-17 daraja iliqqacha ko‘tariladi.

6—7-martda kechasi va ertalab tuman tushishi mumkin.