Gaiti poytaxti Port-o-Prensda qurolli jinoiy guruh qamoqxonaga bostirib kirib, 4000 ga yaqin mahbusni u yerdan chiqarib yubordi. Bu haqda Sky News xabar berdi.
Gaiti milliy qamoqxonasiga hujum 2-mart kuni kechqurun, Gaiti bosh vaziri banditizmga qarshi kurashish uchun xalqaro kontingentni joylashtirish bo‘yicha muzokaralar olib borish maqsadida Keniyaga borganidan ikki kun o‘tgach sodir bo‘ldi. “Barbekyu” laqabli bandit Jimmi Sherizye bosh vazir Ariye, Anriga qarshi urush e’lon qildi.
U hujumlardan maqsad Gaiti politsiyasi boshlig‘i, hukumat vazirlarini qo‘lga olish va Anrini hokimiyatdan ag‘darish ekanini aytmoqda.
Haiti's capital Port-au-Prince saw another day of fighting as gangs sought to oust Prime Minister Ariel Henry. Gunmen targeted the international airport and police stations, forcing residents to flee their homes. pic.twitter.com/2UT03DK5Im
— DW News (@dwnews) March 3, 2024
Inson huquqlari bo‘yicha advokat Arnel Remiga ko‘ra, qamoqxonada 4 ming mahbusdan salkam 100 ga yaqin qolgan. Gaitining asosiy qamoqxonasiga qurolli to‘dalar bostirib kirishi oqibatida kamida uch kishi halok bo‘lgan, minglab mahbuslar qochib ketgan. Gaiti hukumati tinchlikka chaqirib, vaziyatni nazorat ostiga olishga harakat qilmoqda.
“Milliy politsiya jamoat tartibini tiklash uchun qochib ketgan mahbuslarni topish va ushbu jinoiy harakatlarni sodir etgan shaxslarni, shuningdek, ularning barcha sheriklarini qo‘lga olish uchun barcha choralarni ko‘rmoqda”, — deyiladi Aloqa vazirligi xabarida.
Le Monde nashrining yozishicha, Port-o-Prens shahrida 1400 ga yaqin mahbus saqlanayotgan yana bir qamoqxonadan ham mahbuslar qochib ketgan. Qurolli to‘dalar mamlakatning asosiy futbol stadionini ham egallab, bir xodimni bir necha soatga garovga olgan. Banditlar hujumi paytida Gaitida internetga kirish cheklangan, chunki tartibsizliklar paytida optik tolali aloqa uzilgan.
TOTAL ANARCHY IN HAITI!
— WORLD AT WAR (@World_At_War_6) March 3, 2024
Hundreds of inmates flee from Haiti's main prison after armed gangs storm the facility. -TRTpic.twitter.com/ewrRDKvB2x
Izoh (0)