Farg‘ona shahrida Kia Carnival rusumli avtomashina olib qochildi. Bu haqda Farg‘ona viloyati IIB axborot xizmati xabar berdi.
Qayd etilishicha, 16-fevral kuni Farg‘ona shahrida yashovchi fuqaroga tegishli Kia Carnival rusumli avtomashina shaharning Sakkokiy ko‘chasida olib qochilgan.
Olib borilgan tergovga qadar tekshiruv harakatlari davomida, mazkur jinoyatni Farg‘ona shahrida yashovchi 30 yoshli G‘.G‘. hamda 39 yoshli O.U. sodir etgani aniqlanib, ushlangan.
Mazkur holat yuzasidan Jinoyat kodeksining 267-moddasi (transport vositasini olib qochish) 1-qismi bilan jinoyat ishi qo‘zg‘atilgan.
Bundan oldin Farg‘onada “moyka” xodimi Jizzaxdagi sevgan qizini ko‘rgani borish uchun o‘zganing Lacetti’sini minib qochgani, Toshkentdagi mashina yuvish shoxobchasidan olib qochilgan Nexia-3 Andijondan topilgani to‘g‘risida xabar berilgandi.
Izoh (0)