70 yoshli Don Gorske butun hayoti davomida 34 mingdan ortiq Big Mak iste’mol qilgani uchun Ginnes rekordlari kitobiga kiritildi. Bu haqda kitobning rasmiy saytida ma’lumot berilgan.
Amerikalik Don jami 34 128 ta burger yegan bo‘lib, ulardan 728 tasi 2023-yilda sotib olingan. U ilk marta 1999-yilda Ginnes rekordlar kitobiga kirgan edi.
Birinchi burgerni u 1972-yil 17-mayda McDonald’sda sotib olgan:
Big makni tatib ko‘rgach, men butun hayotim davomida faqat shu taomni iste’mol qilaman deb niyat qildim va o‘sha kundan boshlab har bir burger qadog‘ini yig‘ib, sanay boshladim, — deydi Gorske.
Avvaliga u kuniga to‘qqizta burger iste’mol qilgan bo‘lsa, hozir u kuniga ikkitasini yeydi: birini tushlikda, ikkinchisini kechki ovqatda. U nonushta qilmaslikni afzal ko‘radi.
Rekordchining so‘zlariga ko‘ra, u 1973-yildan 1981-yilgacha onasining iltimosiga ko‘ra burgerdan boshqa mahsulotlar iste‘mol qilib keldi, ammo Gorske ortiq bunday diyetaga chiday olmadi. So‘ng yana faqat burgerlar bilan taomlanish odatiga qaytdi. Qiziqarlisi, Gorskening sog‘lig‘idan hech qanday shikoyati yo‘q. Ortiqcha vazn to‘plamaslik uchun u juda ko‘p piyoda yuradi.
Rafiqam Meri mening bunday ovqatlanish tarzimga qarshi emas. U mening og‘ir xarakterimni qabul qilgan, burgerlar esa ayolim uchun odatiy hol, — deya tan oldi Gorske.
Izoh (0)