AQSH Xalqaro taraqqiyot agentligi (USAID) O‘zbekiston Energetika vazirligi va energetika sektori manfaatdor tomonlari bilan toza energiya maqsadlarini qo‘llab-quvvatlashga qaratilgan yangi tashabbus – Yashil vodorod xabini ishga tushirish ustida ishlamoqda. Bu haqda AQSHning mamlakatdagi elchixonasi xabar berdi.
Xab mintaqaning kelajakdagi energetika landshaftini shakllantirish va O‘zbekistonning “Qayta tiklanuvchi va vodorod energiyasini rivojlantirish strategiyasi”ga hissa qo‘shish uchun energiya sektori xodimlarining yangi toza energiya texnologiyalari bo‘yicha malakasini oshirishga yordam beradi.
Uchrashuvda energetika vaziri o‘rinbosari Umid Mamadaminov va energetika sektorining asosiy manfaatdor tomonlari Vodorod xabi konsepsiyasining dastlabki bosqichini, xususan, ustuvor yo‘nalishlar hamda harakatlar bosqichlarini muhokama qildilar.
USAID Markaziy Osiyo davlatlarini toza energiya va boshqa energetikaning ustuvor yo‘nalishlarni rivojlantirishda qo‘llab-quvvatlashga sodiqdir. Bu shunchaki maqsad emas, balki zarurat hamdir. Bizning ishonchimiz barqaror kelajak toza va samaraliroq energiya manbalariga o‘tishda jamoaviy saʼy-harakatlarga bog‘liq degan ishonchga asoslanadi, — deydi USAID’ning O‘zbekistondagi missiyasi direktori vazifasini bajaruvchi Edvard Mixalski.
Avvalroq USAID Delaver universiteti (AQSH) va Toshkent davlat texnika universiteti o‘rtasida universitetning magistratura bosqichiga kiritilgan yashil vodorod bo‘yicha yangi o‘quv dasturini amalga oshirish maqsadida hamkorlik o‘rnatgan edi.
Yashil vodorod xabi konsepsiyasi muvaffaqiyatli amalga oshirishning asosiy jihatlarini, jumladan, qayta tiklanadigan energiya salohiyati, suv mavjudligi, toza vodorod ishlab chiqarish usullari va eksport salohiyatini baholaydi. Hududni baholash, omborxona inshoot loyihasi, logistikani rejalashtirish, bozor tahlili, tartibga solishni baholash va atrof-muhitga taʼsir qilish masalalari faoliyat yuritish uchun optimal joylarni aniqlashning boshqa tarkibiy qismlaridan biridir.
Bu ish USAID’ning Markaziy Osiyoda Energiya mintaqaviy energetika loyihasi doirasida amalga oshirilmoqda. Besh yilga mo‘ljallangan qiymati 39 million dollarga teng loyiha energetika sektori samaradorligini oshirish, toza energiya rivojlanishini jadallashtirish, mintaqaviy aloqa va transchegaraviy energiya savdosi orqali energiya xavfsizligi va barqarorligini mustahkamlashga qaratilgan. Faqatgina ushbu loyiha orqali USAID toza energiyaga 2,2 milliard dollar miqdorida sarmoya kiritgan va shu kungacha Markaziy Osiyo bo‘ylab 2241 megavatt toza energiya quvvatini o‘rnatishga hissa qo‘shgan.
Izoh (0)