“O‘ztemiryo‘lyo‘lovchi” Samarqand—Toshkent—Samarqand yo‘nalishi bo‘yicha qo‘shimcha qatnovlar qo‘yilishini maʼlum qildi.
Qayd etilishicha, 8-mart — Xalqaro xotin-qizlar kuni munosabati bilan yo‘lovchilarga qulaylik yaratish maqsadida 8, 9, 10-mart kunlari 775/776-sonli Samarqand—Toshkent—Samarqand yo‘nalishida “Afrosiyob” elektropoyezdining qo‘shimcha harakati yo‘lga qo‘yiladi. Poyezd quyidagi jadval asosida harakatlanadi:
775-sonli “Samarqand — Toshkent” yo‘nalishi
- Samarqand 11:11 — Toshkent 13:26
776-sonli “Toshkent — Samarqand” yo‘nalishi
- Toshkent 13:51 — Samarqand 16:05
Qo‘shimcha maʼlumotni Toshkent shahridagi 1005 qisqa telefon raqami, joylardagi temiryo‘l chiptaxonalari hamda maʼlumotlar byurosidan bilib olish mumkin. Chiptalarni nafaqat temiryo‘l chiptaxonalaridan, balki elektron tarzda ushbu havola orqali xarid qilsa ham bo‘ladi.
Eslatib o‘tamiz, O‘zbekiston prezidentining 2023-yil 10-oktyabrdagi “O‘zbekiston Respublikasi temiryo‘l transporti sohasini tubdan isloh qilish chora-tadbirlari to‘g‘risida”gi qaroriga muvofiq 2024-yil 1-yanvardan boshlab yuqori tezlikdagi va tezyurar poyezdlarda yo‘lovchilarni tashish xizmatlari tariflarini davlat tomonidan tartibga solish amaliyotidan voz kechish, shuningdek, ularni bozor tamoyillari asosida tartibga solish mexanizmiga o‘tish amalga oshirilgan.
Izoh (0)