Namanganda O‘zbekistondagi eng baland tomosha charxpalagi foydalanishga topshirildi (video)

Namangan shahridagi “Afsonalar vodiysi” bog‘ida O‘zbekistondagi eng baland tomosha charxpalagi foydalanishga topshirildi. Bu haqda “Daryo” muxbiri Azizbek Abduvaliyev xabar bermoqda.

Charxpalakning balandligi 92 metr, jami 54 ta kabinaga ega. Bir paytning o‘zida 216 kishiga xizmat ko‘rsatishi mumkin.

Kabinalar 4 kishiga mo‘ljallangan, favqulodda holatlarda operator bilan bog‘lanish va havoni sovitish qurilmalariga ega. Ularning aylanish vaqti esa 20 daqiqadan ko‘proq.

“Afsonalar vodiysi” bog‘ida tomosha charxpalagini o‘rnatish xarajatlari 1 million dollarni tashkil etdi. Charxpalak bir kunda o‘rtacha 8-10 ming kishiga xizmat ko‘rsatish imkoniyatiga ega. Kirish chiptasi esa 35 ming so‘m etib belgilangan.