1945-yil 6-avgustda Yaponiyaning Xirosima shahriga AQSH tomonidan atom bombasi tashlanganda erib ketgan qo‘l soati Bostondagi RR Auction kim oshdi savdosida 31 ming dollarga sotildi. Bu haqda auksion saytida xabar berildi.
![](/static/2024/02/27/00000000000000000000-OhoUh6h1.jpeg)
Lot haqida ma’lumotda yozilishicha, soat latun (mis va sink qorishmasidan tayyorlanadigan metall) dan yasalgan. Xirosimaga ertalab soat 8:15 da bomba tashlangan paytda soat ishlamay qolgan. Uning o‘lchami uch santimetr bo‘lib, ustki qismi portlash oqibatida erib ketgan, shishasi singan.
Soatni kimoshdi savdosiga qo‘ygan shaxs uni 2015-yilda J. P. Gumbert o‘tkazgan avvalgi kim oshdi savdosi g‘olibidan sotib olgan.
![](/static/2024/02/27/413a9b9dba3fc42b7fd64f10bceab200-H_PVnES3.webp)
Soatni birinchi bo‘lib britaniyalik harbiy shaharga ijtimoiy yordam tashiyotgan paytda topib olgan va saqlab qo‘ygan. Soatning asl egasi noma’lum, katta ehtimol bilan u minglab vafot etgan Xirosima shahri aholisidan biri bo‘lgan.
Shahar Memorial tinchlik muzeyida yuzdan ortiq shunday soatlar saqlanadi. Ular yadroviy qurol davrining boshlanish ramziga aylanib ulgurgan.
Izoh (0)