Sifatli uyali aloqa va abonentlar uchun maksimal qulaylikni yaratish yo‘lida samarali investitsiyalar va hamkorlik loyihalarini olib borayotgan Ucell kompaniyasining faoliyati haqida xalqaro Teletimes International nashrida maqola chop etildi.
“Ucell: Texnik yetakchilik yo‘lida” deb nomlangan ushbu maqolada COSCOM MCHJ (Ucell) kompaniyasida oxirgi ikki yilda ro‘y bergan va 2024-yilda ham davom etayotgan ijobiy o‘zgarishlar eʼtirof etildi. Jumladan, 2023-yilda Ucell va Huawei mutaxassislari tomonidan mamlakatning Sirdaryo, Namangan, Toshkent viloyati va Toshkent shahrida mobil tarmoq infratuzilmasi to‘liq yangilanishi natijasida Ucell abonentlariga qurilmalarning yuqori samaradorlikda ishlashi evaziga sifatli xizmatlarni taqdim etish imkoniyatini berilgani, Huawei kompaniyasining zamonaviy uskunalarini o‘rnatish tarmoqning ishonchliligini oshirgani va ishlashini osonlashtirgani hamda ovozli qo‘ng‘iroqlar sifati sezilarli darajada yaxshilanib, Internet tezligi va undan foydalanish qulayligi oshgani alohida taʼkidlandi.
Sir emaski, mazkur o‘zgarishlar natijasida shaharlarda, avtomobil yo‘llarida va ommaviy foydalanish joylarida qamrov zonasi oshdi. Bundan tashqari, 2024-yilda Huawei bilan hamkorlik davom ettirilib, yirik shaharlarda 5G uyali aloqani rivojlantirish bo‘yicha ulkan loyiha doirasida amaliy ishlar bajarilmoqda. Ucell kompaniyasining 2019-yilda O‘zbekistonda 5G aloqasini birinchi sinovdan o‘tkazishi bilan boshlangan loyiha uni dastlab Tashkent City hududida ishga tushirish bilan davom etdi va hozirda butun mamlakat bo‘ylab yoyilmoqda.
Teletimes International maqolasida Ucell faoliyatidagi bu kabi qadamlarga O‘zbekiston Respublikasi Raqamli Texnologiyalar Vazirligi tomonidan ishlab chiqilgan “Raqamli O‘zbekiston – 2030” strategiyasi muhim rol o‘ynaganligiga alohida urg‘u berilmoqda.
Maʼlumot o‘rnida, Ucell telekommunikatsiya sohasida “Iqtisodiyoti tez rivojlanayotgan mamlakatlarda bozorning eng yaxshi rivojlanishi uchun” nominatsiyasi bo‘yicha nufuzli Lead Awards mukofoti bilan taqdirlangan. Ushbu mukofot kompaniyaga dunyoning 26 mamlakatidagi 85 dan ortiq uyali aloqa operatorlari va xizmat ko‘rsatuvchi provayderlarning manfaatlarini himoya qiluvchi “SAMENA” telekommunikatsiya Kengashi tomonidan topshirilgan.
Reklama huquqi asosida.
Izoh (0)