O‘zbekistonda 2024-yil 1-yanvar holatiga soliq organlarida 531 757 ta ko‘chmas mulk ijara shartnomasi hisobga qo‘yildi. Buning natijasida hisoblangan daromad solig‘i summasi oshdi.
Davlat soliq qo‘mitasi e’lon qilgan ma’lumotlarga ko‘ra, jismoniy shaxslar o‘rtasida tuzilgan 386,8 mingta ijara shartnomasi asosida 194,8 mlrd so‘m daromad solig‘i hisoblanib, o‘tgan yilning mos davriga nisbatan ijara shartnomalari soni 60,5 foiz va hisoblangan daromad solig‘i summasi 21 foizga oshgan.
Yuridik shaxslar o‘rtasida tuzilgan 144,9 mingdan ortiq ijara shartnomasi asosida 561,6 milliard so‘m soliq hisoblanib, o‘tgan yilning mos davriga nisbatan ijara shartnomalari soni 30,2 foiz va hisoblangan soliq summasi 31,2 foizga oshgan.
Talabalar bilan 94,2 mingta ijara shartnomasi tuzilgan. Ijarada turuvchi talabalar soni 134,9 ming nafarni tashkil etdi.
Soliq to‘lovchining uy-joylarni talabalarga ijaraga berishdan olgan daromadlari soliqdan ozod etilgan. Ularga daromad solig‘idan 44,4 milliard so‘m imtiyoz qo‘llangan.
Izoh (0)