O‘tgan o‘quv yilida OTMlarning bakalavriat yo‘nalishiga qancha xotin-qizlar qabul qilingani haqida maʼlumot berildi

Statistika agentligi maʼlumotlariga ko‘ra, 2022/2023-o‘quv yili boshiga O‘zbekistonda oliy taʼlim tashkilotlarining bakalavriat yo‘nalishiga 134 ming 217 nafar xotin-qizlar qabul qilingan.

Qabul qilingan xotin-qizlar soni sohalar bo‘yicha ajratilsa, eng ko‘pi taʼlim yo‘nalishida – 65 ming 065 nafar. Keyin o‘rinni sanʼat va gumanitar fanlar yo‘nalishi egallagan – 14 286 nafar.

Shuningdek:

• biznes, boshqaruv va huquq – 11 741 nafar;
• ijtimoiy fanlar, jurnalistika va axborot – 10 291 nafar;
• muhandislik, ishlov berish va qurilish sohalari – 10 167 nafar;
• sog‘liqni saqlash va ijtimoiy taʼminot – 8 487 nafar;
• tabiiy fanlar, matematika va statistika – 4 428 nafar;
• qishloq, o‘rmon, baliqchilik xo‘jaligi va veterinariya – 4 027 nafar;
• xizmatlar – 2 971 nafar;
• axborot-kommunikatsiya texnologiyalari – 2 754 nafar.