Rossiyaning “Azimut” aviakompaniyasi Namangan—Moskva reysi 10 soatdan ortiq kechiktirildi. Bu haqda Uzbekistan Airport matbuot xizmati xabar berdi.
Ma’lum qilinishicha, 28-fevral kuni Toshkent vaqti bilan soat 05:10 da uchishi rejalashtirilgan A49086 (Namangan—Moskva) reysi texnik sabablarga ko‘ra 10 soatdan ortiq vaqtga kechiktirildi. Dastlabki maʼlumotlarga ko‘ra, ushbu reys soat 15:30 ga ko‘chirildi.
Reys yo‘lovchilari aviakompaniya tomonidan mehmonxonaga joylashtirilgan va aeroportdan vaqtincha bo‘lish joyigacha transport bilan ta’minlangan.
Izoh (0)