Toshkent viloyatining Nurafshon tumanida sud majlisi o‘tkazilmasdan hujjat qabul qilingani aniqlandi. Sudyalar oliy kengashi holatga izoh berdi.
Unga ko‘ra, ijtimoiy tarmoqlarda Nurafshon tumanlararo ma’muriy sudining sudyasi o‘tkazilmagan sud majlisini go‘yoki bo‘lib o‘tgan, deya qayd etib, tegishli sud hujjati qabul qilingani, ushbu holat bo‘yicha sudyaning harakatlariga huquqiy baho berilishi shartligi haqida xabarlar tarqalmoqda. Mazkur holat yuzasidan o‘z vaqtida xizmat tekshiruvi o‘tkazilib, Toshkent viloyat sudlari sudyalari malaka hay’ati qarori bilan sudyaga nisbatan intizomiy jazo chorasi qo‘llanilgani aytildi.
Mazkur qarordan norozi taraf Sudyalar oliy malaka hay’ati va Sudyalar oliy kengashiga shikoyat qilish huquqiga egaligi qayd etilgan. Shikoyat belgilangan tartibda ko‘rib chiqiladi.
Izoh (0)