RMC Sport nashrining xabar berishicha, Mbappe va uning oilasi “Real”dan 17 yoshli Etan Mbappe bilan shartnoma imzolashni so‘ragan va Madrid klubi rahbariyati allaqachon bu transferga rozi bo‘lgan.
“Mbappe yolg‘iz kelmaydi. Dastlabki shartnoma ikki hafta oldin imzolangan edi, biroq oxirgi kunlarda Mbappe oilasi “Real”ga taklif bilan chiqdi.
Mbappening oilasi va Kilianning o‘zi bir necha kun oldin “Real”dan ukasi Etan Mbappeni ham sotib olishni so‘ragan. “Real Madrid” bu haqda o‘ylab ko‘rdi va oxir-oqibat rozi bo‘ldi”, —deydi jurnalist Eduardo Inda.
Etan Mbappe joriy mavsum Liga 1da bir daqiqagina o‘ynadi: u 17-turning “Mets” bilan (3:1) uchrashuvning 90-daqiqasida maydonga tushdi. Shuningdek, u UEFA Yoshlar ligasida 6 o‘yin o‘tkazgan va Fransiya kubogi o‘yinlarida ikki marta zaxiradan maydonga tushgan.
Izoh (0)