Buxoroda O‘zbekiston—Germaniya ruhiy salomatlik anjumani o‘tkaziladi, deb xabar bermoqda SSV.
Unga ko‘ra, 19—24-fevral kunlari Respublika ixtisoslashtirilgan ruhiy salomatlik ilmiy-amaliy tibbiyot markazi rahbariyati Germaniyada bo‘ldi. Tashrif davomida Germaniya Federal Sog‘liqni saqlash vazirligining ruhiy salomatlik masalalari bo‘yicha katta mutaxassisi Manuyela Shuman va Federal hukumat komissari doktor Yan Feyrmann ishtirokida psixiatriya, narkologiya, psixoterapiya, tibbiy psixologiya va reabilitatsiya masalalarida muloqot o‘tkazdi. Xizmat safari davomida:
- Sharite universiteti klinikasi;
- Germaniya ruhiy salomatlik markazi;
- Bonn universiteti klinikasi;
- Ushtspring Salus klinikasi;
- Salus Lindov reabilitatsiya markazi mutaxassislari bilan hamkorlikni yo‘lga qo‘yish kelishib olindi.
Shuningdek, shu yilning 7—8-may kunlari Buxoroda O‘zbekiston—Germaniya ruhiy salomatlik anjumanini o‘tkazish bo‘yicha kelishuvga erishildi.
Izoh (0)