Kanadalik ayol Adri Lash yangi diyeta va bir mahsulot yordamida 31 kilogramm ortiqcha vazndan xalos bo‘ldi, deb yozadi Kansas Citty Star.
69 yoshli pensioner ayol ortiqcha vazn va bo‘g‘im kasalliklari tufayli sog‘lig‘ida turli muammolarga duch keldi. Har xil parhez usullari samara bermagach, Adri uglevodlarni kam iste’mol qilishga asoslangan keto-diyetaga murojaat qildi.
Bunday parhezga amal qilganidan bir necha oy o‘tib, ayol o‘zida metabolizm yaxshilanganini va umumiy sog‘ligi tiklanganini sezdi. Biroq unga non mahsulotlaridan o‘zini tiyish mushkul edi. Shunda Adri internetda turli xil uglevodi kam non retseptlarini izlab, zardobli oqsildan tayyorlanadigan nonni sinab ko‘rdi.
Doimiy parhez, sog‘lom turmush tarzi va zardobli oqsildan tayyorlanadigan non iste’mol qilgan ayol 8 oy ichida 31 kilo vazn yo‘qotishga muvaffaq bo‘ldi.
Izoh (0)