Majburiy ijro byurosi Toshkent viloyati boshqarmasi tomonidan qidiruvdagi qarzdor shaxslarni va ularning mol-mulklari turgan joyini aniqlash va topish borasida ishlar amalga oshirilmoqda, deb xabar bermoqda MIB matbuot xizmati.
Maʼlum qilinishicha, MIBning Toshkent viloyati boshqarmasi qidiruv bo‘limi xodimlari tomonidan Yuqorichirchiq tuman bo‘limi ish yurituvidagi qarzdor “E.G.A.” MCHJdan, undiruvchi Grand Road Materials MCHJ foydasiga 3 mlrd 40 mln so‘m hamda yana bir undiruvchi korxona foydasiga 1,3 mlrd so‘m qarz undirish haqidagi ijro hujjatlari bo‘yicha olib borilgan ijro harakatlari davomida qarzdor korxonalarga tegishli mol-mulklarni qidirib topish bo‘yicha tezkor tadbir o‘tkazilgan.
Natijada qarzdor MCHJ ga tegishli avtotransport va maxsus texnika vositalari topilib, jarima maydonchasiga qo‘yilgan.
Berilgan ixtiyoriy muddat ichida qarzdorlik bartaraf etilmasa, auksion orqali sotuvga chiqariladi.
Izoh (0)