Oqsil tirik hujayraning barcha organik elementlari orasida eng muhim o‘rinlardan birini egallaydi. U hujayra massasining deyarli yarmini tashkil qiladi. Inson tanasida oziq-ovqat bilan birga keladigan oqsillarning doimiy almashinuvi sog‘liq uchun muhim. Oqsil yetishmovchiligini erta aniqlash orqali jiddiy kasalliklarning oldini olish mumkin.
Doimiy ochlikni his qilish
Tushlik qilgach bir soatdan so‘ng yana muzlatkich tomon yo‘l olyapsizmi? Har yarim soatda biror narsani tusab qolish oqsil tanqisligi alomati bo‘lishi mumkin. Chunki oqsil moddasi qondagi shakar miqdorini va to‘qlik hissini tartibga solish vazifasini bajaradi. Organizmda yetarli miqdorda oqsilning mavjudligi shirin yoki tuzli mahsulotlarga bo‘lgan ehtiyojni kamaytiradi.
Moddalar almashinuvining buzilishi
Oqsil yetishmovchiligi tanadagi mushaklar massasining kamayishiga olib keladi. Bu esa o‘z navbatida metabolizm jarayonini sekinlashtiradi.
Diqqatni jamlay olmaslik
Organizmda gormon va fermentlar ishlab chiqarilishida oqsil asosiy vazifani bajaradi. Uning tanqisligi esa bosh miya ishlash sifatini tushirib yuboradi. Natijada diqqatni jamlash, xotira bilan bog‘liq muammolar yuzaga keladi.
Yara va jarohatlar bitishining sekin kechishi
Oqsil tanqisligi qon aylanishini sekinlashtiradi va jarohatlar bitish vaqti uzayadi. Shuningdek, oqsil moddasi suyaklar mo‘rtlashishiga va ularning sinish xavfi ortishiga sabab bo‘ladi.
Tanada turli shishlar paydo bo‘lishi
Qon tarkibidagi albumin moddasi oqsilning muhim turi bo‘lib, uning vazifasi organizmda suyuqlik miqdorini tartibga solishdir. Ushbu moddaning yetishmasligi tanada turli shishlar hosil qiladi.
Tirnoqlarning tez-tez sinishi
Inson organizmining ishlash qoidasi shunday: birinchi o‘rinda hayot uchun muhim organlarga ozuqa moddalarini yetkazib berish lozim. Tirnoq va sochlar bunday guruhga kirmaydi. Yetarli miqdorda oqsilli taomlar iste’mol qilish, vitamin D miqdorini nazorat qilish bunday noxushliklarning oldini oladi.
Izoh (0)