Ijtimoiy tarmoqlarda xonanda Jahongir Otajonovning oila qurgani bilan bog‘liq surat va videolar tarqaldi. Baʼzi ijtimoiy tarmoq foydalanuvchilari bu maʼlumotlar eski ekanligi va xonanda u bilan allaqachon ajrashib bo‘lgani haqida yozishdi. “Daryo” muxbiri xonandaning maʼmuri bilan bog‘lanib, masalaga oydinlik kiritdi.
— Bu maʼlumotlar haqiqatan ham eski. Jahongir Otajonovning shaxsiy hayotida bunday o‘zgarish yo‘q. Eski video va suratlar nega qaytadan “jonlanib” qolganidan xabarimiz yo‘q, — deydi xonandaning maʼmuri.
Maʼlumot o‘rnida aytamiz, yetti farzandning otasi Jahongir Otajonov bir muddat avval bo‘ydoq ekanligini maʼlum qilgandi.
Izoh (0)