Eron 2024-yildan boshidan Rossiyaga 400 ga yaqin “yer-yer” sinfidagi ballistik raketalar yuborgan. Bu haqda oltita anonim manbaga tayanib, Reuters xabar berdi.
Xabarga ko‘ra, bunday qurollar qatorida Fateh-110 oilasiga mansub qisqa masofali raketalar ham bor. Ular 300 dan 700 kilometrgacha bo‘lgan nishonlarni urishga qodir. Raketalarni yetkazib berish 2024 yil yanvar oyi boshida boshlangan. Eron harbiy amaldorining anonim tarzda Reuters agentligiga aytishicha, o‘shandan beri Rossiyaga kamida to‘rtta raketa partiyasi yetkazilgan. Kelgusi haftalarda ko‘proq yetkazib berish kutilmoqda.
Boshqa bir harbiy amaldorning aytishicha, raketalar Kaspiy dengizi orqali va samolyotda Rossiyaga yetkazilmoqda.
“Ta’minot ko‘payadi. Buni yashirishga hech qanday sabab yo‘q. Biz xohlagan davlatga qurol eksport qilishimizga ruxsat berilgan”, — deya qo‘shimcha qildi u.
Oktyabr oyida BMT xavfsizlik kengashining Eronning ba’zi raketalar, dronlar va boshqa texnologiyalar eksportiga cheklov kiritgan rezolyutsiyasi muddati tugadi.
- 2022-yil kuzidan beri Rossiya harbiylari Ukrainaga zarba berishda Eronda ishlab chiqarilgan kamikadze dronlardan faol foydalanmoqda. O‘sha yilning oktyabr oyida The Washington Post gazetasi Eron Rossiyani ballistik raketalar bilan ta’minlay boshlashi mumkinligini yozgandi.
- 2023-yil bahorida Financial Times gazetasi Rossiya Erondan ballistik raketalarni sotib olmasligi mumkinligi chunki bu AQSHni Ukrainaga uzoq masofaga mo‘ljallangan ATACMS raketalarini yetkazib berishga undashini bildirgandi.
- 2023-yil oktyabr oyi o‘rtalarida Ukraina qurolli kuchlari birinchi marta Rossiya qo‘shinlariga qarshi ATACMS raketalarini qo‘llagan.
- 2024-yil yanvar oyi boshida The Wall Street Journal Amerika rasmiylariga tayanib, Rossiya Erondan qisqa masofaga uchuvchi ballistik raketalarni sotib olishni rejalashtirayotgani haqida xabar berdi. Taxminan bir vaqtning o‘zida Rossiya harbiylari Shimoliy Koreya raketalaridan foydalanishni boshlagani ma’lum bo‘ldi.
Izoh (0)