Shvetsiya Mudofaa vazirligi seshanba kuni Ukrainaga 7,1 milliard shved kroni (682 million dollar) miqdorida harbiy yordam, jumladan, qurol-yarog‘ yetkazib berishini ma’lum qildi. Bu haqda Reuters xabar berdi.
Bu Shvetsiyaning Ukrainaga 15-raund yordami bo‘lib, Rossiya-Ukraina urushidan buyon umumiy yordam 30 milliard kronni tashkil etgan.
“Ukrainani qancha kerak bo‘lsa, qo‘llab-quvvatlashda davom etamiz”, — dedi mudofaa vaziri Pal Jonson matbuot anjumanida.
Shvetsiyaning ta’kidlashicha, yordam paketi, taxminan, 2 milliard kron qiymatidagi artilleriya o‘q-dorilari, hujum kemalari, suvosti minalari va dronlarni o‘z ichiga oladi.
Paket doirasida, shuningdek, Ukraina xalqaro fondlari orqali material sotib olish uchun naqd pul va 10 ga yaqin yangi zirhli jangovar transport vositalarini sotib olish uchun 1 milliard kron ajratiladi.
Izoh (0)