Parijdagi sayyohlar hozircha Eyfel minorasiga kira olmaydi. Fransiyaning asosiy attraksioni ishchilari ish tashlash e’lon qildi. Ular minora uchun ajratiladigan mablag‘ni qayta ko‘rib chiqishni talab qilmoqda, deb xabar beradi “MIR 24”.
Kasaba uyushmasi vakillari shahar hokimiyati ta’mirlash ishlarining narxini kam baholayotganini va kutilayotgan foydani oshirib ko‘rsatayotganini ma’lum qildi.
Bundan tashqari, pandemiyadan keyin sayyohlardan tushgan daromad 120 million yevrogacha kamaydi. Eyfel minorasi ishchilari ish tashlashni yil oxirigacha davom ettirish bilan tahdid qilmoqda. Bu minora Olimpiya o‘yinlari davomida yopilishini anglatadi.
Rasmiylar kelishuvga erishishga harakat qilmoqda. Hozircha sayyohlar minoraga chiqa olmasdan, faqat uning oldida suratga tushishlari mumkin.
Izoh (0)